Taqbiraat

   Sahih Bukhari 631:

     ...Aur namaz parho jis tarha mujh {Mohammad (sws)} ko parhty howay dakhty ho...

Is tahrir main Rasool Allah (SWS) ki tamam sahih-ul-asnaad ahadith k numbers ulema-e-harman aur baroot ki "International Numbering" K aaen mutabik hen.

1: (Sahih Bukhari 803, Sahih Muslim 867)

     Abu Salemah Bin Abdul-Rehman {Rh.A(Tabi)} ka byan hai kah syedna Abu-Huraira (R.A) tamam namazon main taqbeer (Allahu-Akbar) kaha kerty thy khah farz hun ya nafal, ramzan ka mahina ho ya koi aur mahina, Chunachay jab ap (R.A) namaz k lye khary hoty to takbeer kahty, pher ruko se sir othaty to (sami-allahu liman hameda, rab-bana walakal-humd) kahty, pher sajda k lye jhukty to taqbeer kahty, pher ap tamam rakatoon main isi tarha taqbeer kahty yaha tak k namaz se farig ho jaty, pher namaz se farig hony k ba'ad: " Os zaat ki kasam jis k hath main mari jaan hai, main tum sab se zyada Rasool Allah (SWS) ki namaz se mutabatak rakhta hun, Aap (SWS) isi tarha namaz parhty rahy yaha tak k dunya se tashreef ly gay".

Note: (Sahih Bukhari 789 ta 784, Sahih Muslim 867 ta 873)

     Banu-umaiya k shareer governoron ne jab buland awaz se taqbeer kahnay ki sunnat chor di to syenda Abu-Huraira (R.A) ne hadith par kasam khai.